tenpo musi suli la
kasi sewi en kasi ma
li mama e lipu laso mute.
ma ale la soweli li kute
e toki tan soweli lawa Nopa.
ona la ale o tawa ona
o toki pona lon ma lawa.
ni la soweli ale li kama.
taso wan li awen weka:
ni li soweli loje Lena.
tenpo pini la ona li pali
e utala mute tawa ale.
ona ike li sona e ni:
soweli ante ale kin
li wile e ike tawa ona.
loje li kama ala tan sona.
kulupu li kama lon sike
la ona ale li pilin ike
tan soweli loje pi utala taso.
(wan taso li ante, li pimeja walo.)
ni la kulupu li lon a.
soweli Kiken en soweli poka
li kama lon sinpin kulupu.
wawa la ona Kiken li mu
e toki: ‘lawa Nopa o,
sina la nasin en nimi li jo
e wawa e pona e mute. ni la,
pakala mi o sona sina.