suno li pini e sike mute la mi open e nasin nasa tawa sitelen toki. pali sitelen la mi jan sin lon tenpo ni: mi sona e sitelen pona (tan lili Sonja) e sitelen suwi kin (tan jan Josan?), e ante mute ala a. toki ante li ken pana e sitelen wan tawa nimi wan la mi sona e lon ona, e ante mute ala a. sona lili ni la mi pali e ijo mi. taso ijo li awen pini ala, li kama lape lon tenpo suli.

open la sitelen ni li tawa toki pona. tenpo ante la mi open e toki ante li pana e sitelen ni, e nimi Tajata, tawa ona. tenpo li awen tawa, la toki Tajata kin li kama lape a. taso sitelen ona li wile ala tawa weka tan pilin mi... la mi o sin e ona:

sitelen ale ni la ijo linja en ijo lukin (oko) li ken lon insa. mi o awen sitelen: toki ni li pini ala.

poka en poka la mi pana tawa sitelen e kule laso e kule suno. sitelen laso la sijelo li lili. nimi mute a li jo e sitelen suli taso.

lon pali la mi alasa ken e sitelen mute a tan ijo mute ala. sitelen nimi wan la sitelen lili mute li kama e sijelo: linja lili li ken nena anu lupa; pini sitelen la ona li ken tawa sama sike anu kiwen. sitelen ale la mi kama e poki tu tu lon lukin insa mi: ni o ma sitelen tawa nimi wan. ona tu tu la linja suli wan li ken. ona la luka o tawa ala sewi lipu, la open en pini o lon tawa wan sama. linja nimi o awen weka tan insa ma, o tawa lon selo ma taso. linja li pini la mi ken namako e ona kepeken sitelen lukin lili. ona la nanpa li luka.